الامتحانات و عالم المذاكرة

الأكل: لازم تهتم بالأكل , و خصوصا الأكلات إلي ممكن تحسن أداء الذاكرة.. مثل : التمر- اللوز- الحليب- التفاح –العنب الغامق- و كل مشروبات الصويا.. و كمان العسل و شاي

الامتحانات و عالم المذاكرة


+ إنشاء موضوع جديد
النتائج 1 إلى 3 من 3

الامتحانات و عالم المذاكرة

الموضوع: الامتحانات و عالم المذاكرة

الأكل: لازم تهتم بالأكل , و خصوصا الأكلات إلي ممكن تحسن أداء الذاكرة.. مثل : التمر- اللوز- الحليب- التفاح –العنب الغامق- و كل مشروبات الصويا.. و كمان العسل و شاي

  1. #1
    المدير العام الصورة الرمزية Abo alkheer
    تاريخ التسجيل
    Sep 2010
    الدولة
    Aleppo, Syria
    المشاركات
    3,559
    معدل تقييم المستوى
    10

    Ss7008 الامتحانات و عالم المذاكرة


    الأكل:

    لازم تهتم بالأكل , و خصوصا الأكلات إلي ممكن تحسن أداء الذاكرة.. مثل :
    التمر- اللوز- الحليب- التفاح –العنب الغامق- و كل مشروبات الصويا..
    و كمان العسل و شاي الجنزبيل و عصير الجزر محفزات رائعة للذاكرة...
    و تجنب الكحول و المخدرات طبعا, لأنها بتضيع الذاكرة !!!

    النوم:

    فيه بعض الأبحاث بتقول إن النوم هو مرحلة بيقوم فيها العقل بتثبيت المعلومات إللي خدناها طول اليوم .. يعني يفضل سيادتك تنام بعد المذاكرة شوية بدل ما تفضل سهران الليل بطوله و انت مش مركز و قاعد تذاكر برضه !
    الراحة مهمة و لازم تذاكر و انت مركز , و تنال قسط مناسب من النوم.. بس إوعى يبقى النوم هي و سيلتك المفضلة للهرب من المذاكرة ... انا باقول نام لك شوية بعد ما تذاكر مذاكرة كتيرة..

    التنظيم:

    مهم جدا قبل ما تذاكر , ترتب الورق و المذكّرات و الكتب بتاعتك.. كل مادة لوحدها و كل جزء لوحده.. عشان تعرف بالضبط (حجم) كل مادة..عشان تعرف بالضبط فاضل لك إيه و ذاكرت ايه فتقدر تعرف هاتذاكرها في وقت أد إيه.
    التنظيم نص المذاكرة.. لأن الورق لو كله على بعضه , مش هاتعرف تذاكر و هاتيأس و تسيب المذاكرة و تقوم..لأنك مش عارف راسك من رجليك.. خليك فاكر : التنظيم نص المذاكرة.

    الألحان :

    لو فيه معلومة معصلجة مع سيادتك و مش عارف تحفظها, غنيها !
    أيوه .. لو حاولت تفتكر كلمات أغنية .. مش هاتعرف تفتكرها إلا لو افتكرت اللحن, ساعتها هايبقى سهل تفتكر الكلام ..
    الألحان بتخلي الحفظ أسهل.. مش ملاحظ إن بتوع الإعلانات بيحطوا اسم المنتج في أغنية ؟
    عرفت ليه ؟
    عشان الناس تحفظها !!

    مثال :
    إعلانات أرقام الانترنت .. أكمل الأغنية : 0777(و بعدين ؟)


    بلاش لخبطة:

    أي عمل غير منته في حياتك , ممكن يخلي بالك مشغول..
    فضي نفسك للمذاكرة و بلاش تخلي بالك مشغول في 5638 حاجة !

    الضحك :

    الحاجات المضحكة عمرها ما بتتنسي..
    لو فيه معلومة معصلجة معاك حطها في نكتة او بص لها كإن دمها خفيف ..
    اخترع النكت و اسخر من المنهج اللي بتحفظة هاتلاقي نفسك بتحبه و عارف تذاكره..

    مثال :

    كنا بندرس عن عالم كبير اسمه (مالبيجي) و كان اسمه رخم و مش عارف احفظة.. أول ما تخيلت انه اسمه (مليجي) بس خواجة.. لقيت العملية سهلة الحفظ !

    اهتم:

    من المهم أن تكون مهتما بما تقرأ.. يعني حاسس انك عايز تعرف المعلومة دي فعلا و عايز تستفيد منها..خليك حاسس بالفضول نحو الموضوع عشان تلاقيه مسلي.. و حط دماغك في الموضوع ..

    قرر:

    قرر إنك هاتحفظ المنهج بنسبة 100% مهما كلفك الأمر , و ذاكر بهذه العقلية و انت مصمم إن : يا انا يا الأمتحان بقى !
    سبب رئيسي بيخلينا مش عارفين نحفظ , و هو اعتقادنا الداخلي ان ذاكرتنا ضعيفة !
    لو آمنت ان ذاكرتك قوية و قلت كده لنفسك , و قررت إنك هاتحفظ و تستوعب المنهج كله بأقل تفاصيله, هاتترسخ جواك الفكرة دي .

    خليك إيجابي:

    حط خطوط تحت الكلام المهم , لخص النقاط المهمة , سمع لنفسك , ..... اعمل حاجات ملموسة تحس منها إنك ماشي في الطريق الصحيح و مش سلبي.

    ركز في التفاصيل:


    اعتبر كل معلومة صغيرة مهمة .. و اعتبر انك هاتحكي كل التفاصيل دي لواحد صاحبك بكرة و انتم خارجين مع بعض.. اعتبر إن فيه ناس صحابك عايزين يعرفوا التفاصيل دي و انك هاتحكيهالهم بكرة..
    و خلي بالك ..
    ادي نفسك فرصة انك تنسى شوية .. كل ما تذاكر كتير, هاتنسى حاجات مش مؤثرة قوي..
    لكن لو مذاكر قليل, لو نسيت معلومة واحدة هاتروح في أبو نكلة !

    اتكلم بصوت عالي :

    بكده حواس كتير هاتشتغل على المعلومة دي .. اشرح المعلومة دي لحد , أو اكتبها و اقراها تاني .. ماتبقاش بس مستقبل سلبي للمعلومة, طلعها من جواك برضه -بأي طريقة- عشان ترسخ المعلومة أكتر.

    المراجعة :

    بعد كل ده .. راجع يا باشا !
    و ابقى قابلني لو سؤال وقف قدام سيادتك.

    مع تمنياتي لكم بالنجاح و التوفيق يا شباب...

    و ابقوا قولوا لي عملتوا إيه.

    تحياتي

    د.شريف عرف

    المصدر: منتديات الخير - من قسم: علم نفس


    hghljphkhj , uhgl hgl`h;vm uhlg


  2. #2
    اللهم اغفر له وارحمه (انتقل الى الرفيق الاعلى) الصورة الرمزية محمود عكره
    تاريخ التسجيل
    Nov 2010
    الدولة
    سوريا--طرطوس
    المشاركات
    138
    معدل تقييم المستوى
    5062

    افتراضي رد: الامتحانات و عالم المذاكرة

    شو مشان شرب المتة أبو الخير .................. ؟؟؟؟؟؟
    الله يجزيك الخير

  3. #3
    المدير العام الصورة الرمزية Abo alkheer
    تاريخ التسجيل
    Sep 2010
    الدولة
    Aleppo, Syria
    المشاركات
    3,559
    معدل تقييم المستوى
    10

    افتراضي رد: الامتحانات و عالم المذاكرة

    والله ضرب متة مع سيكارة دخان بتصير باحلى جو
    شكرا محمود الغالي
    مرورك اسرني واثلج صدري

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاركات: 0
    آخر مشاركة: 10-12-2014, 11:17 PM
  2. لسرعة الحفظ وتقوية الذاكرة والذكاء علاج رائع للطلاب القادمين الى الامتحانات
    بواسطة noor.85 في المنتدى الصحة والغذاء والمواد الطبيعية
    مشاركات: 1
    آخر مشاركة: 03-31-2014, 04:32 PM
  3. صور عالم السارات
    بواسطة جناح الخير في المنتدى صور منوعة
    مشاركات: 3
    آخر مشاركة: 09-19-2013, 02:07 PM
  4. غرائب في عالم الأشجار nareepol
    بواسطة Abo alkheer في المنتدى مواضيع زراعية عامة
    مشاركات: 1
    آخر مشاركة: 05-13-2012, 10:37 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
RSS RSS 2.0 XML MAP HTML

^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~