الموضوع الموضوع الكامل عن السمان لمحبي المشاريع الصغيرة موثق (( فيديو وصور ))

الموضوع الكامل عن السمان لمحبي المشاريع الصغيرة موثق (( فيديو وصور )) بسم الله الرحمن الرحيم وبه نستعين آخى العزيز اختى العزيزة سوف أتناول في هذا المشروع كل ما يتعلق بطائر السمان وهدفي من هذا الموضوع هو مساعدة كل من يحتاج المساعدة في إنشاء مشروع ذوى جدوى اقتصاديه من أعضاء المنتدى وتناولي للموضوع سيكون مدعم بالصور لكل كبيره وصغيره تتم داخل المفرخة او عنبر السمان وذالك تسهيلا على من لا يعلم عن طائر السمان حتى يتاح لك في النهاية إقامة هذا المشروع بإذن الله وأتمنى من الله تعالى ان يوفقني فى خدمة أعضاء المنتدى وكل من يحتاج المساعدة وكل ما أتمناه ممن يستفيد من هذا الموضوع أن يترك رد او تعليق او استفسار المهم يترك انطباعه عن هذا الموضوع . أولا:- طائر السمان مذكور فى القرأن الكريم باسم طائر السلوى سورة البقرة الآية: (57) ، وسورة الأعراف الآية: (160)، وسورة طه آية: (80) اذن طائر ذكر فى القرآن الكريم اكيد ربنا انعم علينا بيه بس هو كيفية الاستفادة من هذا الطائر نبذه بسيطة عن طائر السلوى (السمان) هو طائر صغير الحجم يستخدم فى إنتاج البيض واللحم ويمكن ان يساهم بشكل كبير فى حل مشاكل كثيره ظهرت فى مجتمعنا حيث ان هذا الطائر يمكن ان يعوضنا عن اللحوم ويمكن ان يكون سببا فى حل مشكلة البطالة حيث انه لا يحتاج إنشاء مشروع الى تكاليف عاليه ولاكن اقل التكاليف وهذا ما سوف نراه فيما بعد . وعموما طائر السمان لحمه خالى من الكولسترول واخيرا كل ما اتمناه ان ينتشر هذا المشروع الذى نتعاملت معه عن قرب لكثر من 4 سنين ولمست مدى اهمية هذا المشروع . الاهمية الاقتصادية 1 - دورة راس المال سريعه حيث يتم البيع فى 45 يوم وكمية العلف المستهلكه فى حدود 450 الى 500 جرام ويصل الوزن الى 150-180 جرام فى نهاية ال 45 يوم واقل . 2- طبعا قلة التكاليف 3- مصدر للبروتين الحيوانى 4- انتاجه عالى من البيض يصل الى 250-300 بيضه 5- مدة التفريخ تصل الى 16 الى 17 يوم 6- يتحمل الظروف لا يتحملها اى طائر وعن تجربه 7- طائر السمان النضج الجنسى مبكر اقل من 45 يوم مميزات بيض و لحم السمان يمتاز لحم طائر السمان بأنه طرى ناعم خالي من الكولسترول سهل الطهي مستساغ ويتميز بيضه بمزاق البيض البلدى المربى فى المنازل ليس به اى رائحه ونلاحظ ان نسبة الصفار مرتفعه كما ان الانتاج الغزي يميزه . انواع طائر السمان يوجد نوع يسمى امريكى وياباني واسترالي وافضل الانواع من وجهة نظرى من حيث انتاج البيض واللحم هو السمان الياباني http://img577.imageshack.us/img577/9389/img1115a.jpg http://img703.imageshack.us/img703/1659/img1114a.jpg http://img832.imageshack.us/img832/6726/img1110a.jpg http://img684.imageshack.us/img684/3779/img1109az.jpg http://img593.imageshack.us/img593/4706/img1107a.jpg http://img703.imageshack.us/img703/9061/img1106a.jpg طيب علشان نبدا مشروع اول الخطوات هنعمل ايه اولا- المكان طبعا لو مشروع صغير انا مش هتكلم عن الحجات القياسيه لا انا هتكلم لو حد عاوز يربى ويعمل مشروع صغير او كبير يعنى لو عندك مثلا مكان 50 متر مربع هنصمم عليه المشروع لان السمان المتر المربع بيكفى حوالى 50 طائر من عمر يوم حتى عمر التسويق اللى هو 45 يوم كده المكان طبعا بعدين هنقسم المكان . ثانيا - مصدر السمان اى مصدر موثوق به ممكن نجيب بيض او سمان عمر 45 يوم يبيض على طول طيب انا برشح طبعا ان تجيب بيض لان سعر البيضه 35 قرش يعنى الف بيضه ب 350 جنيه طيب لو حبيت تجيبه سمان طبعا الإلف يكلفك 5000 الف جنيه لو عمر 50 يوم بس طبعا دى ليها مميزات ودى ليها مميزات . http://img534.imageshack.us/img534/8501/50941229.jpg بعد ما جبنا البيض او السمان هنعتبر اننا جبنا البيض هيبقى محتاجين مفرخه طيب سعر المفرخه يتراوح مابين 1800 ال 8000 جنيه طيب خلينا فى 1800 ودى صورتها http://img580.imageshack.us/img580/5034/c10.jpg دى زى ما انتو شيفين فى الصوره بتشيل 7 ادرج سمان الدرج بيشيل 175 يعنى فى حدود 1200بيضه وممكن نضاعفهم لو حطين درجين فوق بعض زى اللى فى الصوره طيب فى مشكله ان المفقس بتاعها صغير دى ولا مشكله ولا حاجه بسيطه جدااااا ليها حل بسيط قوووى هندخل البيض فى السيتر (الحاضنه ) على دفعات معلش انا بكلم باللغه العاميه علشان كلامى يكون واضح شويه هو السيتر اللى هو الجزء اللى فوق فى المفرخه اللى بنحط فى البيض لمده 15 يوم والهاتشر هو الجزء السفلى اللى فى المفرخه يعنى الهاتشر عيب المفرخات دى ايه ان الهاتشر والسيتر مع بعض بس زى ما قلنا هندخل على دفعات طيب هندخل كل 3 ايام 500 يعنى خلال 12 يوم هندخل 2000 ننزل 500 الاولى فى الهاتشر وبعد كده ندخل غيرهم فى السيتر وهكذا واللى مش هيستوعب النقطه دى انا على استعداد انى اشرحها له اذن راس المال المطلوب حاليا 350 جنيه بيض + 1800جنيه مفرخه + 150 جنيه عربيه هتجيب المفرخه كده الاجمالى 2300 جنيه مصري طبعا عندنا المفرخة وعندنا البيض طبعا حرارة تحضين السمان 37.7 هزود الماء فى المفرخه وشغلها قبل ما احط البيض بيوم على اقل تقدير بعد زالك يتم تجميع البيض و انتخاب البيض دى صوره لرص البيض وانتخابه http://img190.imageshack.us/img190/6310/175owe.jpg http://img153.imageshack.us/img153/8859/spximage.jpg http://img684.imageshack.us/img684/299/56158067.jpg ده فيديو مجمع http://www.youtube.com/watch?v=ofOjncf0YKk http://www.youtube.com/watch?v=5qG6c_leqh4&feature=related طيب لو عندنا البيض فى مبرده لازم درجة حرارة المبرده متزدشى عن 15 درجه مئويه والنخزين لمدة 6 الى 7 ايام ولما نخرج البيض من المبرده هنسيبه فى درجة حرارة الغرفه لمدة 8 سعات حتى يكتسب البيض درجة حرارة الغرفه . يتم رص البيض فى الادرج حيث تكون الناحية المدببة الى اسفل والعريضة الى اعلي يتم وضع البيض فى المفرخه . ************************************************** ***************** الان يجب تجهيز المكان او العنبر لاستقبال السمان عمر يوم من المفرخه اولا يجب تجهيز غرفه ولو تكن 2 متر مربع او 3 متر مربع حسب المتوفر وتكون مجهزه ب عدد 5 اطباق بلاستيك سعر الطبق لايتعدى 4 جنيه عدد 5 ساقيات مياه لتر سعر الواحده 5 جنيه تقريبا يتم طبعا تطهير الغرفه بالماء السخان مره ثم بالفنيك ونتركها تجف ثم نرش جير حى على الارضيه وبعد ذالك يتم فرش التبن ويفضل التبن مع السمان وانا لاافضل النشاره عموما يمكن تطهير الغرفه باستخدام ( 30 سم فورمالين +17.5 جرام برمنجنات بوتاسيوم + 50 سم ماء ) لمدة ساعه طبعا لو عملت كده ميكنشى موجود فى الغرفه اى شئ من الادوات التى سوف تستخدم يعنى ( السقايات + العلفات ....الخ ) انتهينا من التطهير هنجط فى السقيات ماء وسكر يعنى كل سقايه حوالى معلقتين سكر او 10 جرام للتر ده فى اول 4 سعات وده علشان نتلاشى ظهور السالمونيلا والايكولاى علشان طبعا السمان يستهلك البروتين اللى موجود فى كيس المح ومن المهم فى اول 4 سعات انك تدخل بنفسك وتعمل على تحريك السمان حتى يستهلك البروتين الموجود فى كيس المح . انا بحضن عموما على مضاد حيوى ثنائى الغرض معوى وتنفسى وفى امثله كتيير بس اهم حاجه يكون معوى وتنفسى ( ايفتريل – انروسين .....الخ ) زى ما قلت اى حاجه معوى وتنفسى ده لمدة 3-4 ايام بعد كده انا بحط فيتامين وانا بكلم عن تجربتى الشخصيه و بحط فيتامين اد3ه بس ياريت اجيب نوع كويس فى 130 جنيه وفى ب 17 جنيه سائل http://img683.imageshack.us/img683/3016/img0940a.jpg انا بجيب من اللى سعره 26 جنيه الحمد الله شغال كويس بحط سم للسقايه اللى هى لتر طبعا ملحوظه :- يتم وضع ظلط فى الساقايه بس مش من جوه طبعا بعدما يتم قلبها يتم وضع ظلط على الاجناب علشان السمان بيكون صغير وعلشان ميغرقشى . ************************************************** ***** طبعا العلف من عمر يوم الى ال 45 يوم ده طبعا علف تسمين غير البياض اولا التسمين :- انا هعملها لل 100 كيلو 60 ذره + 28 صويا +10 مركزات تسمين + 2 كيلو زيت صويا + نص كيلو املاح وفيتامينات + ممكن تحط مضاد كوكسديا وممكن لا انا بصراحه مش بحط بس لو حبيت تحط هيوكن 200 جرام للطن يعنى ال 100 كيلو 20 جرام + 2 كيلو ثنائى فسفات الكالسيوم + ملح طعام حتحط 2 كيس الكيس 350 جرام مش فاكر حاجه تانى لو لفتكرت هبقى اعدلها ثانيا البياض :- لل 100 كبلو 65 ذره + 22 صويا 10 مركزات بياض + نص كيلو املاح وفيتامينات + مضاد للكوكسديا ضرورى ( امبورال – امبورليم – فيتاكوكس ) ممكن فى العلف او الماء طبعا 20 جرام لل100 او 200 للطن +2 كيلو ثنائى الفسفات + 2 كيس ملح طعام + نص كيلو بريمكس بياض ده بالضافه اننا هنحط اد3ه على فترات مش باستمرار طبعا العلف ممكن تجهزه فى مجرشه افضل بس ليا ملاحظه بسيطه لازم المكونات الصغيره زى الاملاح المعدنيه والفيتمينات ومضاد الكوكسديا والثنائى وملح الطعام والبريمكس وغيره يتم خلطهم مع 10 كيلو علف خلط جيد يدوى لمده طويله وبعد كده يتم اضافتهم على باقى العلف ويتم التقليب . http://img190.imageshack.us/img190/9533/20060103001.jpg http://img706.imageshack.us/img706/386/img0874a.jpg ************************************************** **** كده العلف موجود والسمان غرفة التحضين طبعا هنزودها بدفايه يدويه بتشتغل بالكهرباء ودى مش هتكلف 10 جنيه انا بعملها على اديا + شعله غا ز انبوبه كبيره طبعا درجة حرارة التحضين لا تزيد عن 36 الى 37 وطبعا هتعرف ان السمان متاقلم مع درجة الحراره او لا عن طريق الانتشار يعنى لو منتشر هيبقى كويس لو متجمع على الدفايه هيبقى درجة الحراره قليله والعكس صحيح وده هنشوفه من الفديو والصور طبعا http://www.youtube.com/watch?v=Q2C-h3Zudn4&feature=channel http://www.youtube.com/watch?v=d5pdB1_6mIo&feature=channel http://www.youtube.com/watch?v=6fSabRnH-og&feature=channel طبعا الاضاءه علشان مش انسى اول ثلاث ايام انا بشغلها على طول لاكن بعد كده بفضل اخفض فيها لحد متوصل ل 14 ساعه طبعا السمان هيفضل فى غرفة التحضبن حتى عمر 15 يوم طبعا فى تربيه ارضيه وفى تربيه فى بطاريات طلعا التربيه الارضيه تكاليفها اقل ولاكن مشاكلها كتييره ولاكن التربيه فى بطايات تكاليفها اعلى ولاكن مشاكلها اقل http://www.youtube.com/watch?v=EWR1UJMLe5Y&feature=channel طبعا فى بطاريات للسمان عمر يوم حتى 15 وفى بطاريات من عمر التسمين حتى البيع وفى بطاريات للبياض . طيب انا هتكلم عن بعض المشاكل التحضين فى من 3 الى 4 مشاكل ممكن يوجهونا وهما

[=صاحب الموضوع تعب كثير في اعداد الكثير من الصور ومقاطع الفيديو داخل هذا المحتوى يرجى منك الرد لتشجيعه] 1- ارتفاع نسبة النافق وده ناتج من عدم التحضين على مضاد حيوى قووووى او انه يكون فى مشاكل فى ماكينة التفريخ يعنى الماكينه تكون حامله للامراض فتنتقل الامراض من الماكينه الى البيضه وهكذا الاهمال يعنى ان المسئول عن المكان لا يهتم برفع النافق اول باول مما يؤدى الى نقر السمان فيه وانتشار الامراض . 2- ان ترتفع درجة الحراره او العكس مما يؤدى الى فقدان الشهيه 3- العلف غير جيد يؤدى الى مشاكل لا حصر لها ومنها ضعف عام للطيور كساح اوزان غير قياسيه بنهاية الدوره زيادة النافق . 4- ادخال اعمار مختلفه 5- عدم التطهير اول باول حيث ان الدورات سريعه مما يؤدى الى انتشار الامراض 6- عدم تغيير المياه مما يؤدى الى ارتفاع درجة حرارتها وتؤثر على الطائر 7- لابد من وضع سلك شبك واسع من عمر 5 ايام حتى 15 يوم لان طائر السمان له عاده سيئه وهى عادة ( النكش ) مما يؤدى الى فقد فى العلف ************************************************** ********* ننتقل الى غرفة التسمين يجب الا تقل درجة الحراره عن 25 درجه مئويه وبعد عمر 21 يوم درجة حرارة الغرفه هتكون مناسبه طبعا يتم تقديم نفس علف التسمين مع مرعاة زيادة العلفات وزيادة السقايات ووضع السقيات على طوب او لو التربيه فى بطاريات لا نحتاج الى ذالك طبعا يتم قياس اوزان السمان اولا باول هنستخدم قيتامين اد3ه خلا هذه المده ( 25 يوم ) حوالى مرتين يعنى 6 ايام فقط http://www.youtube.com/watch?v=tIsom...eature=channel http://www.youtube.com/watch?v=i28Zv...eature=channel كما يمكن تربية السمان المخصص للتسمين فى بطاريات وده جدول بيوضح استهلاك العلف من عمر يوم حتى عمر اسبوع ويصل وزن السمان الى 180 جرام وطبعا دى صور لعملية ذبح واعداد السمان ************************************************** ********* ننتقل الى غرفة البياض طبعا غرفة البياض نسبة الذكور الى الاناث لابد ان تكون ذكر الى 2 انثى وده افضل او التربيه فى بطاريات ذكر لانثى طبعا هنستخدم علف البياض طيب تمييز الجنس فى السمان انا عملت حاجه بسيطه وسهله جدااا جدااا مش كلام لا بالصور والفيديو هنتكلم الاول وبعدين نشوف الصور والفيديو اولا فى طريقتين الاولى عن طريق بسيطه وهى ان الذكر يتميز بان الريش الذى يوجد فى صدره يميزه اللون البنى المحمر اما الانثى فيميزها ان الريش ابيض به نقط سوداء ولاكن عن تجربه هذ القاعده ليست ثابته الثانيه وهى الطريقه اليابانيه وهى من ادق الطرق المتبعه حيث يقلب الطائر على ظهره وتفحص فتحة المخرج حيث يتميز الذكر عن الانثى بوجود غده تسمى كلوكا ام الانثى فلا يوجد بها الغده ويتم التمييز فى عمر اسبوعين كده عرفنا الفرق بين الذكر والانثى يتم جمع البيض اول باول يعنى كل يوم ده فيديو للتربيه الارضيه http://www.youtube.com/watch?v=qDfCz...eature=channel ودى فيديوهات للتربيه فى بطاريات http://www.youtube.com/watch?v=v9VtY...eature=channel http://www.youtube.com/watch?v=Gg-n2...eature=channel http://www.youtube.com/watch?v=EWR1U...eature=channel طيب زى ما شفنا التربيه فى بطاريات والتربيه الارضيه اخر حاجه موضوع جمع البيض طبعا مفيش اسهل منه يتم اختيار البيض الصالح للتفريخ الخالى من الكسور ذو حجم طبيعى لابد ان يكون نظيف يصل وزن البيضه الى 9 جرام تقريبا ووزن الكتكوت عمر يوم حوالى 6 جرام ************************************************* اخيرا يستهلك الطائر البياض فى حدود 40 الى 50 جرام علف يوميا من الاسبوع التاسع واعلى فترة انتاج للسمان تستمر لمدة 7 شهور

اخيرا اتمنى ان يكون وفقنى الله وعذرا ان نسيت اى شئ مهندس ياسر حنيدق 0108385995 رد بسيط يساوى عندى كتيير ( بقالى اكتر من 50 يوم بصور وبجمع وبرفع وبجهز فى الموضوع فعلا تعبت هتسيب رد مش لازم كلمة شكر حتى لو هتعارض انا متقبل ) بانتظار ردودكم وتعليقاتكم واستفساراتكم

موضوع رائع جدا ومفيد
ومجهود جبار منك اخي العزير
وموضوع له الحق بان يثبت ويكون بالصدارة
جزاك الله كل خير واحسن اليك وائابك الجنة
ونتمنى ان لا تخرمنا من هذه المواضيع القيمةطوشكرا

جزاك الله خيرا على مرورك الكريم

انا لا استطيع الرد على حضرتك على الخاص

طيب كلمني في قسم الشكاوي
انا بالانتظار

http://www.asdaff.com/imgcache2/1609.gif

اقتباس:

---

المشاركة الأصلية كتبت بواسطة سلوى

http://www.asdaff.com/imgcache2/1609.gif

---

شاكر مرورك الكريم

شكرررا

شكرا موضوع رائع ومفيد

الصور عندى مش بتفتح ممكن اعرف السبب لو سمحت

الله ينعم عليك على كل المعلومات

واللة موضوع ممتاز
تسلم ايدك ممكن تفيدنا بدراسة جدوى موضحة
وجزاك اللة كل خير

قريبا باذن الله

ممكن يا باشا تفدينا بتجار او مجاز تاخد سمان ولو فيه احد في المنتدي يعرف يفيدنا
يكون له جزيل الشكر