شرح بالتفصيل كيفية عمل مركب npk

السلام عليكم .....شرح بالتفصيل كيفية عمل مركب npk

وعلي سبيل المثال هنقول مركب NPK 20 20 20 من مواد اوليه التاليه:
حمض النيتريك HNO3
حمض الفسفوريك H3PO4
هيدروكسيد البوتاسيوم KOH
واحدة واحدة كدة معنى انك عايز NPK 20 20 20 دة معناها انك عايز مركب فيه التالي
20 % نيتروجين N
20% من P2O5
20% من K2O
يعني لو قولنا الوحدة اللي هنشتغل عليها كيلو جرام
يبا كدة المطلوب 200 جرام من النيتروجين و كمان 200 جرام من P2O5 و 200 جرام من K2O
خلينا نحول الكلام لعنصر النيتروجين و الفسفور و البوتاسيوم
نسبه الفسفور في P2O5 هي 43.64 %
يعني 200 جرام فيهم 87.28 جرام من عنصر الفسفور
نسبه البوتاسيوم في K2O هي 83%
يعني 200 جرام فيهم 166 جرام من عنصر البوتاسيوم
الخلاصة مركب NPK 20 20 20 الكيلو منه يحتوي على التالي :
200 جرام نيتروجين
87.28 جرام فسفور
166 جرام بوتاسيوم
N 200 grm
P 87.3 grm
K 166 grm
الكلام دة محتاج يترجم لمركبات فيها العناصر المطلوبه وكمان تفاعلها لا يسبب تكوين أملاح لا تذوب في الماء و تكون في صورة سهله يقدر يمتصها النبات
المركبات دي علي سبيل المثالى
حمض النيتريك HNO3 نسبه النيتروجين فيه حوالي 22.23% نيتروجين
المطلوب منك كدة 900 مم من حمض نيتريك مركز
حمض الفسفوريك H3PO4 نسبه الفسفور فيه حوالي 31.6% فسفور
المطلوب منك كدة 276 مم من حمض الفسفوريك
هيدروكسيد البوتاسيوم KOH نسبه البوتاسيوم فيه حوالي 69.69% بوتاسيوم
المطلوب منك كدة 238 جرام من هيدروكسيد البوتاسيوم
لو خلطت الكلام دة كله في كام لتر ماء دة معناه ايه ...... دة معناه انك دوبت كيلو من مركب NPK 20 20 20 في الماء
بغض النظر حاليا عن مين هيتفاعل مع مين و نواتج التفاعل هتكون ايه .... بس اكيد عندك اي تفاعل هيحصل هو عبارة عن أحد الأملاح اللي انت بتستخدمها في التسميد فلا داعي للقلق من الموضوع دة في التركيبه دي
الناس هتقول لو جمعت الكميات السابقة هتكون اكتر من كيلو جرام ... كلامك صحيح لأن نحصل علي النسبه دي من الأحماض والمركبات السابقة
طيب بالنسبه للاحماض و الهيدروكسيد المطلوب دة علي أساس أنها مواد نقيه ودة مش موجود فعليا
وعلشان كدة انت محتاج تحسب الكميات نسبه وتناسب من تركيز المواد المطلوبه
حمض النيتريك تركيز 55% يبا انت محتاج 1640 مم
حمض الفسفوريك تركيز 80% يبا انت محتاج 345 مم
هيدروكسيد البوتاسيوم تركيز 90 % يبا انت محتاج 265 جرام
منقول
الدكتور طارق اسماعيل ‎tarekismail‬

http://www.alkheeer.com/vb/attachmen...tid=1083&stc=1

جزاكم الله خيرا